|
|
 antza |
XVIII.
mendeko
disdira
L’Eventail
dantza konpainiak garai barrokoaren une disdiratsuenetaz gozatzeko
aukera eskainiko digu Ballet des Masques antzezlanarekin.
Festival du Printemps des Arts jaialdiaren 10. urteurrena zela eta
Philippe Lénaël-en ideia batean oinarrituta, 1993.urtean
sortutako koreografía honek gaur egungo dantza barrokoaren
bi alderdi zehatz eskaintzen ditu.
Batetik, alderdi historikoa, XVIII mendeko dantza eta antzerkirako
dantzen antzezpena, musika frantsesaren laguntzarekin, eta Luis
XIV.aren garaiko dantza irakasleek oinordetzan utzi zituzten adierazpenen
bitartez igorriak.
Bestetik, alderdi garaikidea, idazki zahar horretan inspiratutako
sormen garbia, Vivaldiren musikaren laguntzarekin.
Jantzi xarmangarriak eta ponpoxak daramatzaten dantzari garaikideek,
poesia eta aldi berean eromen kutsu erakargarriz bilduriko hiri
batean murgilaraziko du ikuslea, Venezian. Mozorroen eta Vivaldi
musikagilearen erreinua, Italia eta Frantzia ispilu baten moduan
dantzatzeko elkartuko direlarik.
Tradizioa eta gaurkotasuna lotzen dituen Ballet des Masques, Marie-Geneviéve
Massé-ren koreografiak zortzi dantzari biltzen ditu.
Berorrek eta Bernard Delattrek 1985ean sorturiko talde frantzesak
duela bi mendeko dantza tradizionala sustratitik hartu eta arte
barrokoari buruzko ikuspuntu berri batzuk barneratu zizkioten.
Bere ibilbidean L’Eventail konpainiak bi norabideetan lan egin
du beti. Alde batetik, XVII eta XVIII. mendeko lanen bertsioak egiten
dituzte eta bestetik, estetika barrokoa duten argudio, kontzeptu
eta elementuak mantentzen ahalegindu dira. Ildo horretatik jotzen
du Ballet des Masques ikuskizunak.
MAIATZAK
17 MAYO (20.00)
EGIA KULTUR ARETOA
|
