|
|
 usika |
Ametsen
munduan murgiltzeko
 Haurrei
zuzendutako saio berezia eskainiko du Baiona eta Euskal Kostaldeko
Orkestrak, Stéphane Cardon zuzendariaren agindupean, ekitaldia
ikus-entzule gazteei begira egindako bi piezakin osatuko baita.
Agerraldia estreinaldi batekin hasiko da, bertan Peio Çabalette
konpositoreak sortutako Le laurier d’or ipuin musikatuarekin
abiatuko baita, Koldo Amestoy kontalari lanetan izango delarik.
Bigarren atalean, Holsteinek umeentzat egindako Le Rêve de
Tatou Tatou opera eskainiko da.
Le laurier d’or (Urrezko eremua) orkestra eta kontalariarentzako
cantate profanoa, ‘Annette de Boucau’ kontakizunean oinarritzen
da. Istorioan, itsasoko izpirituak, gaueko jenioak eta Bixintxoren
familia dira protagonita nagusiak. Mamuek, Bixintxoren txalupa gauero
erabiltzen omen dutenez, Aneta bere emazteak Amaiur umetxoa itsasontzian
gordetzea erabakitzen du zer gertatzen den jakiteko asmoarekin.
Gauerdian hiru izpiritu gerturatu eta portutik ugarte ezezagun bateraino
eramango dute txalupa eta bertan direnak. Anetak, jenioen ahotsak
jarraituz, Marimarea itsasoko anderea eta bere sekretu harrigarria
ezagutuko du uharteko kobazulo batean. Itzultzerakoan, gogoan izango
du gertatutakoa eta origarri bat izango du eskuan.
Saioak Le Rêve de Tatou Tatou (Tatou Tatouren ametsa) operarekin
jarraituko du, non Guyanako basoan bizi den mutikoaren abenturak
isladatzen diren. Genevière eta Michel Thoisyren liburuan
oinarritzen den ikuskizunak, ametsen mundua jorratzen du.
Saioa amaitzeko berriro taularatuko da Koldo Amestoy zeinek, pianoaren
laguntzarekin amaiera emango dion ekitaldiari.
MAIATZAK
17 (21.00), 18 (18.00) MAYO
SECÈNE NATIONALE - BAIONAKO ANTZOKIA
|
