|
|
 usika |
Nahasketekiko
maitasuna
 Sentimentala,
bohemiar, askea, dramatikoa, alaia ... bakoitzak nahi duen bezala
defini dezala Goran Bregovic musikaria.
Eszenatokia hamar urte ikutu gabe egon ondoren Bregovic jaunak zuzeneko
proposamena aurkeztuko du musikari tradizionalekin eta orkesta sinfonikoarekin,
bakarkako lanak ahaztu gabe.
Artista honek egiten duen musika mota oso bizia eta eztandagarria
da, Balkanetan bizi izan duen egoera bezalakoa. Gaur egungo ikuspuntutik
Balkanetako folklorean inspiratutako doinuak dira nagusi bere errepertorioan;
hain zuzen, hango ijitoen eta zonaldeko banda militarren nahasketan
kokatua.
Azken bildumetan, instrumentuak, polifonia bulgariarrak, ijitoen
melodiak eta fanfarriak, pop eta soinu elektroniko berritzaileek
bat egingo dute.
70. hamarkadaren hasieran Bijelo Dugme rock taldea sortu eta handik
lau urtera lehen diska atera zuen. Lan honen eta gainontzeko beste
hamalau lanekin lortutako arrakastaren ondorioz gazte askoren idolo
bilakatu zen. Hamarkada berean, Bregovicek Emir Kusturica ezagutu
zuen. Azken honek, punk talde batean jotzeaz gain, garai hartan
izan zituen zine munduarekin bere lehendabiziko hartu-emanak.
80. hamarkadaren erdialdera, Bregovic-ek bere taldea desegin zuenean
bere lagun minak “Ijitoen denbora” filmerako musika sortzeko
eskatuko zion. Balkanetako sustraietara bueltatuz, ijitoen doinuak
aztertzen hasiko zen. 90. hamarkadan ateratako diskarekin nazioarteko
onarpena lortuko du. Era berean, filmetako soinu bandak burutzen
jarraitu du.
Ez da harritzeko pertsonaia honen izakera irekia, izan ere txikitatik
datorkio nahasketa berezi bat; hau da, Sarajevon jaioa, aita kroatar-katolikoaren
eta ama serbiar –ortodoxoaren semea eta egun, bosnio–
musulmandar emakume batekin ezkondua.
MAIATZAK
13 MAYO (20.00)
KURSAALEKO JAUREGIAN
|
