|
|
 ntzerkia
|
tetro
|
Sudur
gorrien atala
 Etxeko
txikienek izango dute non aukeratu gabon bezpera eta orohar abenduko
hile guztian zehar.
Urtero legez pailazoen muntaiak nonnahi ziango dira ikusgai. Hamabostgarren
urteurrena ospatzeaz batera Poxpolin marisorgin ikuskizun berriari
ekingo diote Takolo, Pirritx eta Porrotxek. Egungo mundu gris eta
teledirijituari kolorea emateko helburu nagusiarekin dator protagonista
den Sorgintxo alai eta bihurria. Pailazoak lagun izango ditu aztikerietan,
alaitasunaren edabea prestatzen eta akelarrearen inguruan dantzatzen.
Antzezlanarekin batera diskoa ere atera berri dute, non Tapia eta
Leturia, Igor Telletxea, Luis Mari Moreno, Oreka TX edota Kaki Arkarazok
parte hartu duten erritmo aniztasuna ahalbidetuz. Aipagarria da
haurren eskuhartzea diskoan, Zaldibiko umeak kantuan ageri baitira
eta Lasarte Oriakoak ipuin kontaketan hain zuzen. Gari, Montxo eta
Joselotxo taldeak Non dago trukoa? magiaren arte liluragarrian oinarritzen
den bere azken antzezlana taularatuko du. Sergio magoa, pailazo
hirukote honen laguntzarekin, bertara hurreratuko diren ikusentzuleak
aho zabalik utziko ditu, umore eta istorio xelebreentzako ere tartea
utziz.
Kuko, Truko eta Bolenwaider pailazoek Munduan zehar eta Historian
zehar lanak taularatuko dituzte abenduan toki anitzetan. Lehendabizikoan
aurkitu duten altxorra zabaltzeko, giltzaren bila aterako dira bost
kontinenteetatik. Egitura berbera mantenduz, garai ezberdinetatik
bidaiatuko dute Historian zehar ikuskizunean, Erromatarren, piraten
eta etorkizuneko gizartean ere ibiliko direlarik.
Pailazo ikuskizun zerrenda honi Zarratraka eta Popi taldea gehitu
beharko genioke. Zirkoko ohiko pailazoen hildotik musika, magia
eta jokua dira muntaietako elementu azpimarragarrienak, halaber,
bere azken muntaian txotxongiloak ere erabiltzen dituzte batez ere
ikuskizunaren aurreneko atalean.
Araba eta Nafarroako lurraldeetatik, batik bat, Zirika Zirkuseko
Bolintxe eta Loretsu pailazoak bi abentura berrietan murgilduta
ikusiko ditugu. Aurreneko muntaian, bi pertsonaiak, bakoitza bere
aldetik, zirko ikuskizun bat egitera joan eta ustekabean topo egin
dute eszenatoki berberean. Haserrea, poztasuna... nork jakin zer
ekarriko duen nahaspil handi honek. Traketsu deitzen den hirugarren
pertsonaia, Loretsu eta Bolintxerekin bat egingo du aurkeztuko duten
Bazen behin zirkoa bigarren muntaian. Oraingo honetan sorpresa taula
gainean agertuko den liburuz beteriko altxor bat izango da.
BEGIRATU
AGENDA
|
