|
|
|
Euskal Herria
Egunez Egun |
Tradizioa eta esperientzia biltzen dituen ‘Sehaska’
Obra: Sehaska.
Koreografia: Faustino Aranzabal, Idoia Ibarzabal.
Dantzariak: Haritz Pérez, Aitzol Iriondo, Harkaitz Ardanaz, Gorka Gaztelumendi, Iñaki Oyarzabal, Haritz de Andrés, Mikel Osinalde, Iñigo Cerdán, Mikel Oyarzabal, Aritz Etxaniz, Gailur González, Beñat Jaramillo. Unai Landaberea, Eneko Sese, Martin Barandiaran, Gorka de Migel, Kepa Malpetti, Idoia Arana, Oihane Arruarte, Oihana Arregi, Eneritz Ardanaz, Izaro Goitisolo, Nahikari Ikazategi, Aroia Aranaga, Nagore Guarretxena, Larraitz Zubeldia, Eneritz Ipiñazar, Iratxe Benedited, Aitziber Ibarzabal, Udane Arizalbo, Ainara Sevillano, Alaitz Isasa, Miren Moreno, Amalur Aranaga, Nerea Ezeiza, Ainhoa Sequeiros, Ainhoa Zuazu, Nahia Goñi, Maider Arriola. Musikariak: Beñat Ralla, Xabier Irizar, Mikel Albisu, Aitor Ucar, Erika Sagarzazu, Iraia Bereziartua.
Musika zuzendaria: Beñat Ralla. Jantziak: Idoia Ibarzabal.
Dantza garaikidea: Mirian Pérez. Aholkulari artistikoa: Gene Yurre. Zuzendaritza: Faustino Aranzabal, Idoia Ibarzabal.
Ekoizpena: Kresala Dantza Taldea. Tokia: Leidor Antzokia - Tolosa.
Eguna: Apirilak 12.
Ordua: 20.30. |
 Gaur egun Euskal Herriko erreferentzia nagusitzat hartzen den Gene Yurre dantzari eta koreografo donostiarraren gidaritzapean 1968an sortutako Kresala Dantza Taldeak, bere ibilbide oparoan ekoiztutako azken ikuskizuna gerturatuko du Tolosako Leidor Antzokira. 40 urte hauetan norabide bereziari eutsi eta eredu aitzindaria sortu duen konpainia gipuzkoarrak, erakutsi gabeko hainbat estilizatutako folklore produkzio ezezagunetan txertatu du antzerki kodea, euskal koreografiaren egoeran bakarrak ziren prestatze, diseinu eta kontzeptuekin. Jatorrizko hizkuntzetan oinarritutako zaharberritzeak dira eta arte eszenikoen eskema garaikideetan murgildu dira.
Kresalak burututako ibilbidearen azken emaitza, Sehaska deituriko baleta alegia, ‘edukitzearen’ eta ‘ez izatearen’ estutasuna lotzetik sortzen da. Ikuskizunak sentimendu bikoitza sortu du; dantza historikoa jaiotzetik abiatu, berpizkunde garaitik eta barrokotik igaro eta aro modernora iritsi arte.
Koreografia anitzak bi ildo erabat desberdinetan garatzen dira. Alde batetik, talde mugimenduak, ‘izaerazko’ dantza erromantikoei lotuak, talde bateko kide izatearen emozioarekin sortuak, eta bestetik ‘galtzearen’ sentipena, bakarrik dantzatzen duen emakume batek adierazia, zeinek bakarkako bost pieza dantzatzen dituen Amaia Zubiriak a capella abestutako kanta hunkigarrien doinuak oinarri hartuta.
Estilo proposamen desberdinak uztartzen badira ikuskizunean zehar, aukeratutako pieza guztiak batera aurkezten dira eta zilbor-heste beraren harira eskaintzen dira. Koreografiaren tonua azkar aldatzen da eta bat-batean seriotasunetik azalekotasunera igarotzen da. Musika collage batean isurtzen da dantza, poema eder batzuek kulunkatuz, besteak beste, Bitoriano Gandiagak idatzitakoak.
| Adin eta mota guztietako
zaletuentzako egitaraua. Euskara Elkarteek eta Topagunea Euskara Elkarteen Federazioak antolatutako Kultur Errota 2008 zirkuitua, Euskal Herriko hiri eta herrietara hedatuko da eta apirilerako iragarritako egitarauan musika, heldu eta haurrentzako antzerkia, magia, zirkoa, ipuin kontalariak, bertsolariak eta haur berbenak tartekatuko dira. Antzerki zale helduek, Kandido Urangak antzeztutako ‘Henry Bengoa inbentarium’ izango dute ikusgai Igorren; Bikoteatroa taldearen ‘Euskera sencilloaren manifiestoa’, I tsasondon edo Antzerkiola Imaginarioaren ‘Kaputen kanta’ Aizarotzen. Txaborro, Txan edo Eriz magoen saioekin zein pailazoen ekitaldiekin gozatzeko aukera izateaz gain, antzezlan ugari izango dituzte ikusgai gaztetxoek, besteak beste, Katarbeltzen ‘Munduko su artifizialik harroena’ Zeberion, Atikusek ekoiztutako ‘Uharte bat izanen naiz zuretzat’ Aulestin, Dar Darren ‘Egizu lo Tartalo’ eta Antzezkizuna taldearen ‘Euskal Herriko Itsasoa’ Basaurin, Ane Monna, Oskola eta Karramarroiren ‘Ino Ino Ino badator bonbardino’ Durangon eta Berriozarren eta Zirika Zirkusen ‘Bazen behin zirkoa’ Ordizian. |
|
